Ma is nie n happy camper. Nog n nag sonder slaap in kar. ek sal n plan moet maak of die trek gaan suid.
Ons trek vandag na Kanonfontein ongeveer 16 mkm ver en voorspel om moeilik te wees sonder n gangetjie. dit voorspel baie hardloop om skaap te keer. Frans is donker al by skaap en sien dat n dorper deur die nag gelam het.Sy werks etiek en tempo verstom my. Hy is ooglopend lief vir sy diere en mis niks.
- Merino ooi
Dorper lam
Die dorper ooi lyk nie lekker nie en ons sal haar moet dophou.
Dit is stof eet op hierdie trek as jy agter ja nog voor die son eens op is.
As ons hier oor die rant loop kyk ons terug na die koup ( karoo gedeelte so vernoem ) en stap ons die moordenaars karoo in.
Op een punt sien ek hier die N1 voor ons wegdraai. Dit voel so onwerklik om die lewe daar te sien verby jaag terwyl ek hier in die ou wereld stap.Hoe wens ek nie dat die oomblik vir altyd kan hou.Ons hou ontbyt by langklip en laat die skaap drink. Ek sien vir marissa en die seuns die skaap dophou waa hul drink en die oomblik raak my sodat ek moet hol vir kamera. ek neem n foto wat vir my hulle vrede vasvang.
En toe hoor ek iets wat n ouer nie wil hoor in die middel van die karoo nie, n lang uitgerekte en benoude paaaaaaaa uit die kar. Ek storm nader en dit is my jongste wat verkoue gekry het deur nag en gou haar ontbyt oor die beddegoed gooi. Ek keer vir n vale met my hande en enige lap wat ek kan kry. My moed sak tot in my skoene ! Ek gooi die slaapsakke oor n draad en was met damwater vervaard om iets te red
Ek kry een slaapsak gered en is nou oortuig ons sal moet huis toe. Die teleurstelling kom le soos n groot overdraft op my skouers. Ons besluit om aan te stoot en te kyk hoe dit gaan.
Skaaptrek 2018
248.JPG
Dit raak n moeilike trek met weerbarstige skaap en n siek kind wat swaar op my gemoed le. Ons stop vir middag ete en halfpad roep volk vir Frans oor n ooi wat ongemaklik lyk. Frans roep my nader en ons sien dat die lam skeef gebore word. Frans druk die lam reg en help hom uit.Hy los hom dadelik sodat ons reuk nie inmeng met die lam sin.
Die lam wat die vorige nag gebore is sukkel ook met sy ma wat nie melk het. Frans probeer red