Daar word afskortings gebou met voersakke in die sleepwa vir al die kraamgevalle.
Mooiblompleisterbos
Die twee honde Tralie en Russel moet hier hard werk om skaap bymekaar te maak. Hulle beur in alle rigtings en ons is al moeg geskree en gehardloop.
Liesel vang haar eerste skaap en word terstonds beloon toe hy op haar urineer. Sy was nie happy maar vat dit in goeie gees.
As die pad lank word loop jy en krugerponde soek in veld. Nou nie waardevol maar wonder wat se storie die kan vertel
By kanonfontein jaag ons skaap in n hou kraal
Hier wys Frans vir my die graf van Johannes Bothma wat op 3de Sept 1910 op die ouderdom van 19 j hier oorlede is. Hy is tydens n trek oorlede en toe op die plek begrawe. Dit was sy ouma se enigste broer. By ons staanplek staan die ou karoo huis.
Ek is nou sonder n slaapsak en bied my stretcher aan vir ma om op te slaap (happy wife =happy trek ) Ek bedel voersakke en maak bed op grond langs haar met n geleende slaapsa en n baba kombersie. Ek vat die space blanket in noodhulp kassie en sit hom heel onder op grond vir isolasie.
Frans gaan kyk op die skaap voor hy slaap en kom met die dorper lam terrug gestap. Hy lyk nie lekker en hy gee hom vir liesel met n belofte dat sy hom kan kry as hy dit maak. As hy dit maak noem ek hom wraggies Chuck Norris. En nou moet Chuck elke 2 ure melk kry, dit gaan alweer n lang nag wees.
volg
